Return to flip book view
KONTAKTOMagazineEDITION53DEC 2023WWW.ACU.CW | WWW.FACEBOOK.COM/ACUCURACAO | WWW.INSTAGRAM.COM/ACUCREDITUNION
KOLOFONPortada:Reishenaldine LourensMiembro di personal di ACURedakshon: Arianne Roos Departamentu di MB&CDOutornan:Sosio i empleadonan di ACUFotografia: Departamentu di MB&CDDiseño:Raidimar ScharbaaiDepartamentu di MB&CDProduktor i distribuidor: ACU Departamentu MB&CD Personanan di kontakto: Arianne Roos Raidimar ScharbaaiPa tur komentario (inkl. sugerensia, keho, etc.)riba e produkshon aki, fabor komuniká via: e-mail: marketing@acu.cw 03Palabra di Direktor Interino04Palabra di Presidente Konseho di Supervishon07Plan di Edukashon 202408Prinsipionan di Kooperativa den Práktika 10Reunion Presentashon Presupuesto 2024 11Kuenta di Spar Abeguitu127 Tep pa Fin di Aña14Depósito a Largo Plaso15Tim di Softball Ganadó16ACU ta Sera su Promé Hipotek18E Alternativa pa bo Salú ku ACU19E Sosio ta un Spardó Regular20Algun Aktividat Organisá den 202321Kambio di Standing Order(Pago Regular)22Kontribuí na nos Medio Ambiente23Orarionan Adaptá pa Fin AñaKONTENIDO24Lista di Deskuento ACU
Sosio i kolega, na e momentu ku nan tabata pasa nos no ta para ketu na kiko nan ta nifiká. Pasombra nos ta konsentrá riba kon atendé ku e situashon. P’esei reflekshon na final di un aña ta relevante. Nos ta haña chèns di wak bèk i para ketu na nifikashon di loke a pasa. Ku e konosementu generá, nos ta deliniá kon nos ta bai atendé den e aña nobo.E aña aki nos a kaba di atendé lo nesesario pa finalisá kuratela di Banko Sentral den nos organisashon. E temporada ku nos tabata bou di kuratela no tabata un periodo plasentero, pero di otro banda el a sirbi komo siñansa pa nos, p’esaki no ripití mas. ACU ta un kooperativa den kual e hende ta sentral, kaminda ku hendenan a bin huntu i pone sèn huntu p’asina por yuda otro na momentunan krusial. Nos lo sigui salbaguardiá e propósito aki!Nos kooperativa a konosé un kresementu grandi. Pues e supervishon ta bin komo konsekuensia di e kresementu bon i bunita aki di nos kooperativa. Nos no ta úniko; den paisnan latino Amérika i Karibe, supervishon. E punto di salida ta ku mester kuida e kapital di sosionan bon. E espíritu di kooperativa ku ta motivá e sparmentu di sosio ta ankrá den e prinsipio di traha dam pa warda awa. Tur sosio mester por ta trankil ku e dam ku nan a traha na ACU ta bon kuidá. Pa e motibu aki e kantidat haltu di regla estrikto ta nesesario. Den e aña ku ta kabando, nos énfasis tabata hopi riba kaba di atendé ku implementashon di strukturanan pa nos por salbaguardiá nos internashonal di compliance ku Banko Sentral ta sigui. Mirando bèk na e trabou ku nos a hasi e aña akí, a surgi serka algun di nos e sintimentu ku nos a pèrdè nos esensia kooperativo. Ta parse ku e hende no ta sentral mas. E sintimentunan akí ta komprendibel i bálido, pero nan ta leu for di bèrdat. Nos ta sigui ta un kooperativa kaminda e hende ta sentral. Solamente a bin aserka ku nos ta protehá sèn di nos sosionan firmemente!kompletamente implementá. Miéntras nos ta atendé esakinan, den nos trabou diario laga nos enfoká riba nos shete prinsipionan di kooperativa. Laga esakinan bira e punto di salida pa nos atendé ku otro den ofisina i ku nos sosionan. Nos ta un kooperativa ku a drenta su siguiente siklo di kresementu. Huntu nos por logra un otro ronda di kresementu bon i bunita. bendishoná.Valeska RichardsPalabra di Direktor Interino3
4Palabra di presidente di Konseho di Supervishon Krédito ACU.Mi ta spera ku e palabranan aki ta topa boso den bon salú i ánimo haltu. Mi ta kuminsá mi reflekshon introdusiendo mi mes na boso. Mi ta kasá i nos tin un yu hòmber. Mi hòbi ta partisipá na torneo di gaming riba wega di kompiùter. Na skol sekundario mi a deskubrí sifra. E amor pa sifra a hiba mi na studia Bedrijfseconomie na Universidat Erasmus, despues mi a sigui estudio di Register Accountant. Den mi bida diario mi ta ofresé mi spesialidat pa hasi kompanianan salú. Ora ku un kompania òf organisashon buska mi servisio, mi ta drenta den e organisashon hasi análisis di e kompania, despues sigui ku e reorganisashon nesesario. Na momentu ku e kompania kuminsá hasi ganashi mi trabou ta kla i mi ta bai. Di karakter mi no ta e tipo di sinta kantu keha ora kos no ta bai bon i mi por yuda. Esaki ta motibu dikon mi a aseptá e posishon di presidente di Konseho di Supervishon di ACU. Mi a yega Kòrsou bèk na pasobra mi ta kere den e prinsipio kooperativo pa spar i di yuda otro. Fin di aña semper ta un bon momento pa reflehá riba e aña ku a pasa i fiha posishon pa e aña ku ta bini. Ora nos wak bèk, nos kier wak ku nos a progresá. Progreso ta un proseso kontinuo, sin final. No ta tur biaha e ta un proseso sin desafio òf doló. Miéntras nos, komo kooperativa, ta nabegá den un periodo di transformashon importante, nos ta tuma e oportunidat aki pa kompartí algun akontesimentu importante i pensamentu tokante e futuro di nos Kooperativa di Spar i Krédito. Laga nos wak bèk promé, pa sa di unda nos ta bini.
5Añanan di intervenshon di Banko Sentral di Kòrsou i Sint-MaartenE último par di añanan ta karakterisá pa un intervenshon di CBCS den nos kooperativa pa stabilisá, trese kambio i salbaguardiá futuro di ACU. Un intervenshon ku nos no a deseá, pero ku tabata nesesario. Den solamente 5 aña, ACU a pèrdè 70 mion florin di balor, i un tersera parti di fiansanan otorgá a bira delinkuente. Mester a trese kambio pa salbaguardiá e sèn ku sosionan a hinka den ACU durante añanan. E solushon ku a skohe tabata pa profeshonalisá maneho di ACU i esei a rekerí un struktura nobo di maneho i reglanan mas estrikto. Bou di guia di CBCS trahadónan di ACU a kana diferente trayekto, ku a kulminá ku e nombramentu di e Konseho di Supervishon segun e struktura nobo fin di Supervishon. Ku e akshon akí, e futuro di ACU ta bèk den man di ACU. Pero nos no ta kla. Esaki ta komienso di un proseso nobo. Awor ta na nos tur pa mustra ku nos por karg’é i progresá den forma outónomo. Si nos ke, nos por!Struktura noboUn di nos promé desishonnan tabata pa nombra señora Valeska Richards komo nos gerente general interino, reforsá ku un profeshonal finansiero interino. E desishon aki, tumá ku hopi konsiderashon, ta enfoká riba fortifikashon di nos fundeshi i reanimá nos kompromiso ku e prinsipionan kooperativista.Hunto ku e gerensia interino, nos a start e proseso pa:1. amplia e Konseho di Supervishon ku dos sosio mas, manera miembresia a disidí den e último reunion di sosionan;2. habri vakatura di gerensia i bai buska un gerente general i un gerente finansiero nobo pa sigui profeshonalisá nos kooperativa.ACU ta un instituto finansiero kooperativo. Pa duna esei mas forsa nos a kuminsá e proseso pa habri solisitut pa miembronan por apliká pa drenta e Komishon pa InteresKooperativista (“Commissie Cooperatieve Belangen”). E komishon ta unu di nivel statutario, kier men e poder i espíritu kooperativista ta ankrá den e statuto nobo i e gerensia i e konseho di supervishon mester tene kuenta kuné. Mi kier invitá tur sosio ku kier duna un man pa lanta e espíritu kooperativista den ACU bèk, pa solisitá i forma parti di nos proseso di progreso.Kambio por ta desafiante, pero tambe e ta trese oportunidatnan pa kresementu i inovashon. Nos ta kere ku e direkshon nobo aki lo ta un forsa positivo pa e futuro di nos kooperativa di Spar i Krédito. Ta huntu nos mester karg’é.
Ban enfoká bèk riba e parti di Kooperativa perspektivanan i ideanan diverso. E diversidat aki ta nos forsa, i esensial den guia nos kooperativa. Ounke nos por tin diferente opinion riba aspektonan variá, tin un akuerdo unánime tokante e motibu prinsipal dikon a forma nos kooperativa. Nos kompromiso kompartí pa sostené otro i traha huntu pa logronan komun ta keda firme. E prinsipionan kooperativista - miembresia voluntario i habrí, kòntròl demokrátiko di miembro, partisipashon ekonómiko di miembro, outonomia i independensia, edukashon, entrenamentu i informashon, kooperashon entre kooperativanan, i konsiderashon pa e komunidat - ta e piedranan di fundeshi di nos eksistensia. Miéntras nos ta drenta e kapítulo nobo aki, laga nos ratifiká nos mes riba e prinsipionan aki.Nos enfoke ta sirbi boso, nos miembronan balioso, i asina garantisá ku nos kooperativa ta sigui floresé den un mundu ku ta kambiando rápidamente. Nos tambe mester kambia kuné. Nos ta komprometé na brinda e mihó servisionan, mantené stabilidat finansiero, i kultivá un komunidat unda kada miembro ta sinti nan mes balorá i atendé. Nos no ta einan ainda, pero einan nos kier bai.Mi ta urgi kada unu di boso pa mira e kambio aki no komo un final, pero komo un kuminsamentu. Laga nos brasa e oportunidat akí pa reinventá nos mes kedando fiel na e spiritu kooperativista. Boso sosten kontinuo i partisipashon ta krusial den e biahe aki. Huntu nos por konstruí un kooperativa di spar i krédito mas fuerte, mas resiliente, i mas vibrante.Si boso tin kualke preokupashon, pregunta, òf sugerensia, sinti boso liber pa tuma kontakto. Boso aporte ta di balor, i nos ta aki pa skucha i kolaborá.SurplusMi no por keda sin menshoná e alokashon di nos surplus (manera nos ta yam’é dividènt). Konseho di Supervishon huntu ku e gerensia interino a traha duru pa haña e aprobashon di Banko Sentral pa paga e dividènt, manera sosionan a disidí den e reunion general. Riba e dia aki ku mi ta skirbi e mensahe akí, ainda nos no a haña aprobashon, pero nos ta positivo ku nos lo logra esaki. Bon Pasku i felis aña noboMiéntras e lusnan festivo di Pasku ta iluminá nos kas i kurason, laga nos korda ku a pesar di e anochinan mas skur, e strea di speransa semper ta bria. E aña aki por a trese su desafionan ku a tèst nos forsa i resiliensia. Miéntras nos ta pará na rant di un aña nobo, laga nos brasa e lèsnan ku nos a siña i e kresementu ku nos a eksperensiá.Den e spiritu di Pasku, un tempu di duna, amor, i komienso nobo, laga nos mira pa dilanti ku optimismo. E biahe dor di awanan brabu a hasi nos mas fuerte, mas sabí, i mas komprensivo. E aña nobo no ta solamente un kambio di fecha, pero un renobashon di speransa, soñonan, i posibilidatnan.Ku e magia di Pasku i e promesa di e aña nobo yena bo bida ku alegria, pas, i e kurashi pa brasa kambio. Mi ta deseá tur sosio i empleado un biahe mas próspero i bunita dilanti. Felis Dianan di Fiesta i un aña nobo Maravioso! Danki pa boso konfiansa i sosten kontinuo. Laga nos sigui huntu, uní den nos propósito i fortifiká pa nos balornan kompartí, pa nos progresá.Atentamente,Dieudonne van der Veen6
7
Komo kooperativa di spar i krédito, ACU su maneho ta basá prinsipalmente riba balornan i prinsipionan di kooperativa. prinsipionan di kooperativa. Den e edishon di Kontakto aki nos ta presentá kon ACU ta apliká e promé prinsipio di kooperativa den su maneho. Kada un siguiente edishon di Kontakto lo elaborá riba un siguiente prinsipio. Prinsipionan di kooperativa den práktika#1. Miembresia habrí i boluntarioTur persona ku ta kumpli ku e rekerimentunan pa bira sosio di ACU mester por apliká pa bira sosio di forma habrí i boluntario. Rekerimentu di ACU pa bira sosio ta ku un persona mester ta traha direktamente bou di Gobièrnu di Pais Kòrsou, St. Maarten i islanan BES. Empleadonan di empresanan privá, ku a hasi petishon pa afiliá i ku a haña aprobashon p’esaki, tambe por bira sosio di ACU. Ademas di por bira sosio via di trabou manera indiká ariba, un persona ku tin un entrada fiho por bira sosio via di un familiar ku ya kaba ta sosio di ACU. E familiar ku statutonan di ACU ta konsiderá ta kasá òf partner registrá i famia te ku e di dos grado; esta mayor, yu, ruman, wela/tawela i nietu. Ku e meta di kresementu kontinuo di miembresia, ACU regularmente ta bishitá empresanan pa duna presentashon na e empleadonan i pa atendé ku aplikashon di empleadonan ku na final di e presentashon ta deseá pa bira sosio. Riba kada un persona ku hasi un petishon pa bira sosio ACU ta ehersé diligence’ pa evitá ku ACU i su sosionan ta wòrdu malusá pa kriminalnan/labadónan di plaka. E último aki ta basá riba leinan i reglanan ku institutonan finansiero mester kumpli kuné. Despues di resultado positivo di un skrinen, ACU ta duna bon biní na e persona ku ofisialmente ta bira sosio.8
#2 Kòntròl demokrátiko dor di sosionan#3 Partisipashon ekonómiko di sosionan#4 Outónomo i independiente#5 Edukashon, formashon i informashon#6 Kooperashon entre kooperativanan#7 Kompromiso ku komunidatKeda pendiente pa elaborashon di e demas prinsipionan den e siguiente edishonnan di KONTAKTO.9
Reunion PresentashonPresupuesto 2024ta e órgano superior di nos kooperativa, manehodiario di ACU tin e deber pa tur aña di nobo, presentá e presupuesto pa e aña siguiente. Durante di e presentashon aki, sosionan tabatin e espasio pa hasi preguntanan aklaratorio riba e presupuesto. Di e manera aki sosionan ta wòrdu informá i eduká riba e aspekto di presupuesto 10
11
7 TEP PA FIN DI AÑA Simultáneamente nos mester rekonosé ku nos ta den un di periodonan mas gustá di aña. E temporada dushi di fin di aña ku hopi aktividat i selebrashon den kuadro di e fiesta di Pasku i kambio di aña. E periodo pues ta unu ku hopi moveshon i unda ku bo bira ta drùk. Den e artíkulo aki ACU ta duna algun tep ku lo faboresé bo den e periodo dushi i drùk ku tin nos dilanti. 1Ta importante pa nos reflekshoná riba e bèrdadero nifikashon di e selebrashon di Pasku di nasementu. Na e okashon aki nos ta rekòrdá ku algun mil añanan pasá Hesus a bini na mundu, nase manera un yu chikitu pa despues krese i kumpli ku Su mishon di salba i kita piká di mundu. Pa e motibu aki nos tin rason di selebrá i ta kontentu. Den mesun rosea esaki ta indiká na nos ku nos mester selebrá responsablemente.Reflekshoná riba nifikashon di Pasku2Durante di e periodo aki no ta nesesario pa hasi gastunan ku nos no por karga òf ku ta hinka nos despues den problema di skarsedat òf den pèrtá finansiero. Hopi bes nos ta bisa ku yanüari ta leu pasobra despues ku nos risibí nos entrada den desèmber ta dura un ratu pa nos risibí nos siguiente entrada den yanüari. Esaki debí ku algun di nos ta kobra nos salario mas trempan den desèmber, kontrali na e lunanan anterior. Algun persona sa risibí asta un entrada èkstra den desèmber, esaki ta hasi posibel ku finansieramente por atendé mas tantu asuntu ku nòrmal. Nos sugerensia den e kaso aki ta pa traha bo presupuesto pa e luna di desèmber i mantené bo mes mas skèrpi posibel n’esaki. No gasta mas di loke bo ta risibí. Ku otro palabra biba segun bo forsa! Sea kreativo pa por dil ku loke bo ta risibí, pa bo sèn por yega. Plania semper pa spar un kantidat for di esaki pa metanan den futuro òf pa situashonnan imprevisto. No gasta mas di loke bo ta risibí3No tin duda ku desèmber ta un temporada tambe ku nos ta gusta kome nos dushi platonan; kuminda- i kosnan di pasaboka tradishonal di fin di aña. Laga nos ban proponé ku e aña aki nos ta ban disfrutá di esakinan tambe di un forma responsabel. Kome i bebe nos metanan nobo proponé.Kome i bebe na midí12
4Papiando di meta; na final di aña semper ta bon pa nos reflekshoná kon e aña anterior a bai. “Mi a logra tur mi metanan ku mi a proponé na komienso di e aña?” “Nò, kon bin mi no a logra?” “Kiko mi por hasi diferente pa logra otro aña?” Pa e metanan ku sí nos a logra, sea Evaluá aña aktual i plania aña siguiente5Duna atenshon èkstra na famia e fin di aña aki. E bida hopi bes ta asina yen di okupashonnan ku famia ta pèrdè un poko di e atenshon nesesario. E dianan di fiesta pendiente, nos por pasa mas tantu tempu ku otro. Sali huntu kore wak adornonan di lus, bishitá áreanan bunita di nos dushi Kòrsou, kome huntu etc. Ta tempunan di kalidat ku famia ta fortalesé e relashon familiar. Pasa tempu di kalidat ku famia6Lokual tambe ta duna e temporada aki un toke spesial, ta demostrá generosidat na un persona òf famia di ménos rekurso. Tin algun organisashonnan ku ta hasi esaki strukturalmente tur fin di aña i nan sa involukrá henter e komunidat pa yuda ku sea komestibel òf otro rekurso. Lòs for di e organisashonnan aki nos por skohe individualmente pa yuda kaminda tin nesesidat. E ta sinti bon pa mira otronan bira kontentu ku un gesto, pa chikitu ku esaki por ta. Ta un forma di duna atenshon na nos próhimo. Hasi un akto di ‘bon bisiña’7Ku e tepnan aki ACU kier kontribuí pa bo fin di aña ta dushi i alegre. Nos no kier terminá e artíkulo aki sin duna un tep ku tambe ta sumamente balioso. ACU kier mas ku sugerí bo, roga bo pa bai trankil den tráfiko. Nos kareteranan hopi bes ta drùk, den fin di aña ta parse ku esaki ta bira aun mas drùk. Nos mester kuida nos mes, nos famia i otronan den tráfiko. Pone bon atenshon riba kaya i no laga kosnan manera preokupashon, telefòn, òf kombersashonnan ku kompañeronan den outo, kita bo enfoke for di kaya. Mantené bo mes na e reglanan di tráfiko, sea tolerante i solidario ku otronan ku tambe ta hasiendo uso di e kareteranan. Paga bon tinu den tráfikoFelis dianan di esta13
1414
TIM DI SOFTBALL GANADÓ yüli último, e tim di Bala Brother a logra bini Kòrsou ku e kopa den e torneo di SKAK, ku a Aruba.E tim di Bala Brother, ku ta konsistí di hungadónan di ACU, SDKK i hungadónan di Bala Brothers mes, a lucha te final.Komo kampion invikto, tim i direktiva ta super kontentu ku tur kontribushon ku a yuda pa nan por a yega Aruba.15
ACU TA SERA SU PROMÉ HIPOTEKEntrevista ku sosio Gisela Haynes – Coenraad16
Kiko ta nifiká sera un hipotek na ACU pa sra. Gisela?Pa mi esaki ta nifiká ku mi por tin un kas propio, hasiendo esaki mi hogar, ku mi por ‘richt in’ i restourá manera mi ke. Por ehèmpel, si bo ta hür un kas bo no tin un kas propio, pues bo no ta mara bo mes na djé paso kisas ta yega un dia ku bo tin ku bandon’é. Pero un kas propio fásilmente bo ta ‘attach’ bo mes i e ta bira un hogar. Banda di tin e hogar, tambe mi ta mir’é komo un invershon, den e sentido ku dia ami ku mi kasá no tei mas e por bira un herensia pa nos yunan.Mi ta hopi agradesido na ACU tambe pa e oportunidat, pasobra e trayekto no tabata fásil. Den pasado mi a yega di aserká otro instansianan sin por a keda kla ku loke ta kumbiní mi. Pero loke ku mi a enkontrá na ACU mi no a enkontrá niun otro kaminda. Ku hopi pasenshi sra. Van Sprang a splika mi tur e pasonan ku mi mester a tuma i tambe wak mi nesesidat i mi situashon finansiero pa por a ofresé mi un bon oferta. Tambe teniendo na kuenta ku bo mester paga hipotek i tambe sobra pa biba for di dje. Sra. Gisela lo rekomendá otro sosionan pa sera un hipotek na ACU?Lo mi rekomendá otro sosionan sigur; kuminsando for di e trato, e pasenshi i tambe e dedikashon. ACU a tene kuenta ku mi situashon, analisá tur kos pa mi di manera ku mi por a haña un hipotek segun mi forsa i keda biba trankil. Esei mi ta haña hopi great ku e hipotek aki ta ofresé mi!bou di un grupo piloto. Di e grupo aki sra. Gisela tabatin e privilegio di ta e promé sosio ku a apliká i risibí su hipotek. ACU tambe ta hopi kontentu ku sra. Gisela por ta un di e proménan ku ta risibí nos produkto hipotek. Keda pendiente pa lansamentu ofisial di e produkto di hipotek.17
18
E SOSIO TA UN SPARDÓ REGULAR19Den nos kultura kurasoleño nos ta konosí ku e sistema di ‘hunga sam’. E regla di wega di sam ta ku tur e partisipantenan mester komprometé nan mes pa spar tur luna un suma palabrá. Ku e sumanan di sam aki huntu, e persona ku ta guia e sam por saka tur luna un (òf mas) pago di sam na e partisipante(nan). Esun ku a risibí su pago di sam ta komprometé su mes pa sigui duna su suma pa luna, p’asina meskos kuné e otronan tambe por risibí nan pago di sam den e siguiente lunanan. E sistema di sam tin algun similaridat ku e sistema di spar riba kuenta Akshon na ACU. Den e sentido ku na ACU tambe e sosio mester spar riba su kuenta Akshon tur luna. Direktamente pa sosionan tambe tin rekompensa pa spar riba kuenta Akshon, por ehèmpel: • E suma ku un sosio tin di spar na kuenta Akshon ta indiká kuantu sèn e sosio por bini na remarke pa fia. • Na momentu ku tin un resultado positivo, esta un surplus, esaki ta bai na benefisio di e sosionan mes. Akshon ta stimulá un komportashon di spar regular.Spar riba kuenta Akshon ta diferente for di spar riba Kuenta Koriente i Depósito. For di Kuenta Koriente i Depósito e sosio por lanta sèn kualkier momentu ku e ta deseá; ku kuenta Akshon esaki no ta posibel. Spar riba kuenta Akshon na ACU prinsipalmente ta basá riba un di e shete prinsipionan di kooperativa esta, “Partisipashon ekonómiko di sosionan”. Pues sparmentu riba kuenta Akshon no ta opshonal; e ta un obligashon pa un sosio segun e Statutonan di ACU. Kada bes ku un sosio depositá riba su kuenta Akshon, e ta oumentá su partisipashon den kapital di su kooperativa i a la bes ta yuda oumentá kapital di trabou di ACU pa asina ACU por sigui funshoná efektivamente i efisientemente. E suma mínimo ku e sosio mester depositá riba su kuenta Akshon tur luna segun e Statutonan di ACU ta Un sosio responsabel sa di kumpli debidamente ku e prinsipio di spar riba su kuenta Akshon na su propio bienestar i adelanto di su kooperativa.
ALGUN AKTIVIDATORGANISÁ DEN 2023DIA PA PENSHONADOSESHON INFORMATIVO (SOTO)KURSO DI KOOPERATIVAKURSO EHBO PA TRAHADÓNANSESHON INFORMATIVO (ST. MAARTEN)ISLAND GETAWAY CAMPAIGNSESHON INFORMATIVO (BONAIRE)20
KAMBIO DI STANDING ORDER (PAGO REGULAR)ACU ta gradisí e sosionan ku ya a kumpli ku e stapnan ariba menshoná i ku tin nan standing order online kaba. E petishon ariba no ta konta pa boso!Ya a hasi un aña ku ACU a subi riba e ret di pagonan instantáneo; e sistema ku ta hasi ku pagonan hasí entre ACU i otro bankonan na Kòrsou i St. Maarten ta bai den algun sekònde. Pa pagonan ku mester pasa regularmente tur luna (‘standing order’) tambe tabatin kambio. Den kaso di e kambio aki sosionan mester a laga ahustá nan pagonan regular mensual. Ta trata aki di pagonan di sosio ku ta bini ACU regularmente for di e otro banko di e sosio. Ainda tin algun sosio ku mester kumpli ku e parti aki. P’esei e yamada urgente pa e sosionan ku no a laga kambia nan pagonan mensual ainda, pa hasi esaki konforme e siguiente stapnan:1. Subi e sistema ‘online’ di bo banko i outorisá e pago regular nobo, dirigí na ACU komo instituto finansiero riba number di sosio).2. Pasa na ofisina di ACU ku un komprobante di bo outorisashon di pago karta pa laga stòp e pago regular ku bo tabatin anteriormente na bo banko. 3. Bai e banko kaminda bo tin un pago regular i ku e karta risibí di ACU, pidi pa kanselá bo pago regular eksistente.ta bini for di MCB, e mester entregá e komprobante di pago regular online ku el a karta pa stòp e pago regular ku e tin na MCB. ACU mes lo hasi e karta aki yega na MCB. Ta di sumo importansia pa tur sosio kumpli ku e stapnan ariba menshoná. Inkumplimentu por kousa ku e sènnan di e sosio no ta yega nan destinashon korektamente i esaki ku tempu por tin konsekuensia pa e sosio en kuestion. Si tin difikultat pa kumpli ku e stapnan, semper por tuma kontakto ku nos via nos Member brènchnan na St. Maria òf Zuikertuin Mall. 21
22
23
24