Return to flip book view
Une aventure créée dans le cadre du programme PEC CO (Projets Educatifs et Culturels en Catalan et/ou Occitan) de la Région Occitanie.Es tròp cool !
École maternelle publique Paraire
Es tròp cool !Par les élèves de la classe de terminale option occitan du lycée Ferdinand Foch 2020-2021 (enseignant Gauthier COUFFIN),les élèves de la classe de moyenne section de l’école Paraire 2020-2021 (enseignantes Muriel MAZARS et Elsa BOUTONNET),les élèves de la classe de moyenne et grande section bilingue de l’écoleMonteil 2020-2021 (enseignante Perrine CAMBOULIVES)Musique et son : HUMPTY DUMPTY (Camille Martel & Benoît Vieu)Illustrations : Gauthier COUFFINAide précieuse et soutien inconditionnel : Olivier DAILLUTÉdition numérique : CIRDOC - Institut occitan de cultura
Un còp èra, un malmaridat que vivià dins un país plan freg, plan, plan luènh d’aicí. Èra a faire un òme de nèu quand lo factor li portèt un present. Lo dubriguèt : èra una bilheta d’avion. « Oooh ! Mon ami le lapin m’a envoyé un billet d’avion pour le rejoindre pour les vacances ! C’est trop cool ! » Lo malmaridat èra bravament content.
Sulpic, faguèt sa maleta. Se metèt en camin per rejónher son amic. Lo lapin demorava fòrça luènh, dins lo bòsc de la Montanha Vèrda. Joiós, lo malmaridat prenguèt l’avion cap a una novèla aventura dins las montanhas.
Un còp arribat al bòsc de la Montanha Vèrda, trobèt son melhor amic lo lapin que l’esperava. Lo lapin demorava dins un polit ostal sus un arbre. « Je suis trop content de te retrouver ! C’est trop cool ! » Los dos amics passèron una bona serada a l’entorn d’un bon repais. Ça que la, lo lapin semblava un pauc tristonet. « Que se passe-t-il ? Pourquoi tu as l’air triste ? » Alara lo lapin expliquèt al malmaridat qu’èra inquièt per son vesin lo lop. Dempuèi un mes, lo paure vesin parlava pas mai a degun e plorava tot lo temps.
« Qu’est-ce que je peux faire pour aider ton voisin le loup ? - Vòl pas parlar de son problèma a degun dins lo bòsc. Mas benlèu qu’a tu te parlarà !. - Dès demain j’irai voir le loup pour essayer de l’aider. »Lo malmaridat se desrevelhèt plan determinat. Se levèt, s’estirèt e dubriguèt los contravents. Fasiá un grand e polit solelh ! « Merveilleux ! Je vais voir le voisin. »Arribèt a l’ostal del vesin. Piquèt a la pòrta. Lo vesin que li dubriguèt èra un vièlh lop, plan làs e silenciós amb un pas pesuc que se rabalava. Lo Malmaridat se lancèt : « Bonjour Monsieur le Loup ! Je suis l’ami de ton voisin le lapin ! »
Pas de responsa. Lo lop l’agachèt, li virèt l’esquina, daissèt la pòrta dubèrta e s’anèt assetar sus son fautuèlh. Lo Malmaridat èra plan geinat de la situacion.« Je… je peux rentrer ? » Encara un còp pas de responsa. Lo Malmaridat dintrèt, anèt cap al lop et se setèt sul fautuèlh en fàcia. « Ça va, Monsieur le Loup ? » Lo lop se botèt a romegar e a marmossejar. Lo Malmaridat trobèt lo lop tristàs e pensamentós. A son torn lo Malmaridat s’inquietèt. « Je peux t’aider ? Tu as l’air de chercher quelque chose.
- Ont es passada ma telecomanda? Mmhhh… Ten ! Tu, cèrcas dins los placards, ieu vau cercar dins lo salon.Lo Malmaridat foguèt susprès, enn lo lop li respondiá ! Se botèt doncas a cercar dins los placards. Quina suspresa foguèt quand lo Malmaridat vegèt de desenats e de desenats de paquets de pastas e de desenats de rotlèus de PQ. Es a aqueste moment que comprenguèt !« Mais oui, il a faim ! Il ne mange que des pâtes, apparemment depuis longtemps, c’est déprimant ! » Se pensèt lo Malmaridat.
Alara lo Malmaridat quitèt lo lop sens res dire mai e partiguèt pel bòsc. « Il me faut aider le loup. Je vais demander aux amis du bois ce qu’on peut lui faire à manger pour lui remonter le moral. » Lo Malmaridat anava demandar als vesins del bòsc cossí ajudar lo lop per lo rendre mai urós. Totes amassa segur qu’arribarián a reviscolar lo paure lop.
Prenguèt la bicicleta de son amic lo lapin e anèt veire un primièr amic del bòsc : lo rainal.
Piquèt a la pòrta e lo rainal li dubriguèt. « Bonjour Rainal, je suis le Malmaridat, le copain du lapin. Je viens te voir car j’ai besoin de ton aide.- Bonjorn, qué pòdi faire per tu ?- Le loup est tout triste, il ne mange que des pâtes depuis plusieurs mois.Il se nourrit très mal. J’ai besoin de toi pour m’aider à lui préparer un bon repas. » Lo rainal foguèt susprès : « De qué ? Manja pas que de pastas dempuèi de meses ! Cossí es possible, l’aviái pas remarcat ! Plan segur que te vau ajudar. »
Alara, lo rainal causiguèt de li coisinar de tripós e de li portar de bonbons per lo reviscolar.
« Pel paure lop, ai causit de tripós e de bonbons, mangi totjorn aquò quand soi un pauc triston e a cada còp sulpic va melhor ! - Des tripous et des bonbons, c’est trop cool ! C’est sûr qu’avec ça le loup ira mieux. »
Puèi se tornèt metre en camin e anèt veire un segond amic del bòsc : la chòta. Piquèt a la pòrta e la chòta li dubriguèt. « Bonjour Chòta, je suis le Malmaridat, le copain du lapin. Je viens te voir car j’ai besoin de ton aide.- Bonjorn, qué pòdi faire per tu ? - Le loup est tout triste, il ne mange que des pâtes depuis plusieurs mois. Il se nourrit très mal. J’ai besoin de toi pour m’aider à lui préparer un bon repas. »La chòta foguèt espaurugada :« De qué ? Manja pas que de pastas dempuèi de meses ! Lo malurós, espèri qu’es pas tròp grèu !Plan segur que te vau ajudar. »
Alara, la chòta causiguèt de li coisinar de singlar e de li portar una mandarèla per lo reviscolar.
« Pel paure lop, ai causit de singlar e una mandarèla. Quand me sentissi pas bèla, mangi una mandarèla. E quand soi en retard degusti de singlar e a cada còp sulpic va melhor ! - Du sanglier et une mandarelle, c’est trop cool ! C’est sûr qu’avec ça le loup ira mieux. »
Puèi se tornèt metre en camin e anèt veire un tresen amic del bòsc : l’esquiròl. Piquèt a la pòrta e l’esquiròl li dubriguèt. « Bonjour Esquiròl, je suis le Malmaridat, le copain du lapin. Je viens te voir car j’ai besoin de ton aide.- Bonjorn, qué pòdi faire per tu ? - Le loup est tout triste, il ne mange que des pâtes depuis plusieurs mois. Il se nourrit très mal. J’ai besoin de toi pour m’aider à lui préparer un bon repas. »L’esquiròl foguèt inquiet :« De qué ? Manja pas que de pastas dempuèi de meses ! Lo paure d’el, espèri que va pas tròp mal ! Plan segur que te vau ajudar. »
Alara, l’esquiròl causiguèt de li coisinar de farçons e de li portar d’avelanas per lo reviscolar.
« Pel paure lop, ai causit de farçons e d’avelanas, quand soi un pauc raplaplan, d’avelanas me va plan e quand vòli èsser urós, me regali de farçons ! - Des farçous et des noisettes, c’est trop cool ! C’est sûr qu’avec ça le loup ira mieux. »
Puèi se tornèt metre en camin e anèt veire un darrièr amic del bòsc : la mirga. Piquèt a la pòrta e la mirga li dubriguèt.« Bonjour Mirga, je suis le Malmaridat, le copain du lapin. Je viens te voir car j’ai besoin de ton aide. - Bonjorn, qué pòdi faire per tu ? - Le loup est tout triste, il ne mange que des pâtes depuis plusieurs mois. Il se nourrit très mal. J’ai besoin de toi pour m’aider à lui préparer un bon repas. »La mirga èra apasimada :« Pas de panica, anam trobar una solucion !Plan segur que te vau ajudar. »
Alara, la mirga causiguèt de li portar de pastèca e de ròcafòrt per lo reviscolar.
« Pel paure lop, ai causit de pastèca e de ròcafòrt. Quand quicòm truca e me tracassa, e alara pas de trebucs, un brave tròç de ròcafòrt aquò me requinquilha.- De la pastèque et du Roquefort, c’est trop cool ! C’est sûr qu’avec ça, le loup ira mieux.Lo malmaridat aviá fach lo torn del bòsc de la Montanha Vèrda a bicicleta, èra plan las, mas tanben plan content.« Je n’en peux plus ! Mais j’ai réussi à convaincre tous les animaux du bois d’aider le loup... C’est trop cool ! » Mas èra pas l’ora de faire la planchièra. Anèt prevenir son amic lo lapin. Li expliquèt qu’anavan organizar una brava taulejada amb tot plen de bonas causas de manjar per reviscolar lo lop.
Lèu, los dos collègas partiguèron retrobar totes los amics del bòsc : lo rainal, la chòta, l’esquiròl e la mirga dins una clarièra a dos pases de l’ostal del lop.Dins la clarièra, tot lo monde se botèt al trabalh.S’installèron de garlandas electricas, se faguèt un grand fuòc,se quilhèron las taulas... tot lo monde s’afanèt per aprestar una superba taulejada. Lo lapin aviá quitament sonat un convidat suspresa :l’eiriçon que venguèt amb son sound system per metre l’ambient !Quand tot foguèt prèste, lo malmaridat diguèt als amics del bòsc :« Maintenant, je vais aller chercher le loup.Il me faut le convaincre de venir ici.Cachez-vous les amis ! La surprise sera encore meilleure ! »
Lo malmaridat anèt picar a l’ostal del lop que li dubriguèt en romegant un còp de mai.Lo malmaridat lo desrengava.Èra en tren de faire bolhir d’aiga per s’aprestar de cauquilhetas. Lo lop anava barrar la pòrta, mas lo pichon malmaridat li’n daissèt pas lo temps elo tirèt per la man.« Ce soir, pas de coquillettes ! Suis-moi, et pas question de râler ni de refuser ! Cesoir est une soirée exceptionnelle. »Lo lop anèt atudar lo gaz.
Puèi, sens comprene de qué se passava, se retrobèt entrainat defòra e tirat pel malmaridat ns a una clarièra non luènh de son ostal.Quand arribèt, vegèt lo fuòc, las garlandas, las taulas plenas de bona mangiscla, compreniá pas tròp.
Mas d’un còp totes lo amics del bòsc sortiguèron de lor amagatal en cridant :« SUSPRESA !!! »
« SUSPRESA !!! »Alara lo lop comprenguèt que totes s’èran donats bravament de mal per li faire passar una bona serada e una lagrema pichòta ragèt sus sa gauta. Lo lop s’assetèt entremièg de totes los amics que charravan gaujosament, e tastèt un tripós. Se pensèt qu’aquò èra plan bon. Comencèt de sorire. Un sorire pichon pichonèl. Mas lo primièr sorire dempuèi de meses. Lo malmaridat e lo lapin l’observavan amb atencion.
Puèi contunhèt e tastèt un farçon. Se diguèt encara qu’èra baravament bon. Lo sorire venguèt mai clar. Un sorire encara timide mas ja un sorire vertadièr. Puèi prenguèt un bonbon, puèi de ròcafòrt, puèi d’avelanas, puèi de pastècas, puèi un brave tròç de singlar rostit e acabèt amb una polida part de mandarèla. Aquí lo lop aviá pas mai un pichon sorire, mas un crane risolet d’una aurelha a l’autra.
E charrava amb sos vesins de taula e se levavaper se tornar servir a manjar, e fasiá dançar la chòta e la mirga.Aquel repais foguèt una brava capitada e tot lo monde èra plan content.A la n, lo lop volguèt prene la paraula e diguèt a totes sos amics :« Mos amics, mercés per tot. Aquela serada es formidabla. Tot es per èch...levat que... manca pr’aquò una causa que me sembla plan importanta...- Quoi ? Qu’est-ce qui ne convient pas, Loup ?Quel est le problème avec cette super soirée ?demandèt lo malmaridat inquiet.- E ben, me sembla que manca sus aquela taulaun o dos plats de... cauquilhetas ! » faguèt lo lop en risent.E totes los amics del bòsc s’esclafèron de rire.- Quoi ? Qu’est-ce qui ne convient pas, Loup ?Quel est le problème avec cette super soirée ?demandèt lo malmaridat inquiet.- E ben, me sembla que manca sus aquela taulaun o dos plats de... cauquilhetas ! »faguèt lo lop en risent.
E cric e crac Lo conte es acabat.E dancèron tota la nuèch sus la musica del sound system de l’eiriçon.
Quand un malmaridat optimista rescontra un lop tristonet dins un polit bòsc, quand croza lo camin d’un fum d’amics novèls, quand cadun bota la pata a la pasta per coisinar de bons pichons plats, quand tot lo monde s’unís per organizar un eveniment bravament especial… ES TRÒP COOL !L’istòria d’una quista joiosa e gormanda o quand un repais partejat es la solucion ideala per sortir de la deprima. Una istòria imaginada pels pichons de mejana seccion de l’escòla Paraire (Rodés) e pels pichons de mejana e de granda seccions de l’escòla bilingüa Monteil (Rodés), redigida e contada pels liceans de terminala opcion Occitan del licèu Foch (Rodés). De musicas compausadas pel grop Humpty Dumpty (Camilha Martel & Benezet Vieu), interpretadas per pichons e bèlses. D’illustracions realizadas per Gautièr Couffi n. Quand un pingouin optimiste rencontre un loup tristounet dans une jolie forêt, quand il croise le chemin d’une foule de nouveaux copains, quand chacun met la patte à la pâte pour cuisiner de bons petits plats, quand tout le monde s’unit pour organiser un évènement très spécial… C’EST TROP COOL !L’histoire d’une quête joyeuse et gourmande ou quand un repas partagé est la solution idéale pour sortir de la déprime. Une histoire imaginée par les enfants de moyenne section de l’école Paraire et les enfants de moyenne et grande sections de l’école bilingue Monteil, rédigée et racontée par les élèves de terminale option Occitan du lycée Foch. Des musiques composées par le groupe Humpty Dumpty (Camille Martel & Benoît Vieu), interprétées par petits et grands. Des illustrations réalisées par Gauthier Couffi n.Un projet réalisé dans le cadre du programme PEC CO (Projets Educatifs et Culturels en Catalan et/ou Occitan) de la Région Occitanie..Édition numérique : CIRDOC- Institut occitan de culturaEs tròp cool !
École maternelle publique Paraire
Quand un malmaridat optimista rescontra un lop tristonet dins un polit bòsc, quand croza lo camin d’un fum d’amics novèls, quand cadun bota la pata a la pasta per coisinar de bons pichons plats, quand tot lo monde s’unís per organizar un eveniment bravament especial… ES TRÒP COOL !L’istòria d’una quista joiosa e gormanda o quand un repais partejat es la solucion ideala per sortir de la deprima. Una istòria imaginada pels pichons de mejana seccion de l’escòla Paraire (Rodés) e pels pichons de mejana e de granda seccions de l’escòla bilingüa Monteil (Rodés), redigida e contada pels liceans de terminala opcion Occitan del licèu Foch (Rodés). De musicas compausadas pel grop Humpty Dumpty (Camilha Martel & Benezet Vieu), interpretadas per pichons e bèlses. D’illustracions realizadas per Gautièr Couffi n. Quand un pingouin optimiste rencontre un loup tristounet dans une jolie forêt, quand il croise le chemin d’une foule de nouveaux copains, quand chacun met la patte à la pâte pour cuisiner de bons petits plats, quand tout le monde s’unit pour organiser un évènement très spécial… C’EST TROP COOL !L’histoire d’une quête joyeuse et gourmande ou quand un repas partagé est la solution idéale pour sortir de la déprime. Une histoire imaginée par les enfants de moyenne section de l’école Paraire et les enfants de moyenne et grande sections de l’école bilingue Monteil, rédigée et racontée par les élèves de terminale option Occitan du lycée Foch. Des musiques composées par le groupe Humpty Dumpty (Camille Martel & Benoît Vieu), interprétées par petits et grands. Des illustrations réalisées par Gauthier Couffi n.Un projet réalisé dans le cadre du programme PEC CO (Projets Educatifs et Culturels en Catalan et/ou Occitan) de la Région Occitanie..Édition numérique : CIRDOC- Institut occitan de culturaEs tròp cool !