ᖃᐅᔨᑎᑦᓯᒍᑎᖓ ᐸᕐᓇᓯᒪᐅᑎᒥᒃ ᑲᑐᑦᔨᒍᑎᒋᑦᓱᒍ ᐱᓇᓱᐊᕐᑐᑦ ᓯᑉᑎᒻᐱᕆ 2010ᖑᑎᓪᓗᒍ, ᓄᓇᕕᐅᑉ ᐸᕐᓇᓯᒪᐅᑎᖓ ᑲᑎᖕᖓᒍᑕᐅᓚᐅᕐᓯᒪᒻᒪᑦ ᑲᑎᖓᖃᑎᖃᕐᓱᑎᒃ ᑯᐯᒃ ᑲᕙᒪᖓᓐᓂᒃ ᓄᓇᕕᒻᒥᐅᑦ ᐃᓄᑐᐃᓐᓇᖏᓐᓄᑦ. ᓄᓇᕕᐅᑉ ᐸᕐᓇᓯᒪᐅᑎᖓ ᐊᕕᑦᑐᓯᒪᓂᖏᑎᒍᑦ ᐱᑦᔪᔨᕖᑦ ᑭᐅᒍᑕᐅᓚᐅᕐᓯᒪᒻᒪᑦ ᑯᐯᒃ ᑕᕐᕋᒧᑦ ᐸᕐᓇᓯᒪᐅᑎᖓᓂᒃ, ᑌᑦᓱᒪᓂᐅᑎᓪᓗᒍ ᐊᑐᐃᓐᓇᕈᕐᑎᓂᕐᒧᑦ. ᓇᓗᓀᕐᓯᔪᖅ ᐊᓪᓚᑕᐅᓯᒪᔪᕐᑕᖏᓐᓂᒃ ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐊᖏᖃᑎᒌᒍᑕᐅᓯᒪᓂᖓᓂᒃ ᐊᒻᒪᓗ 2002ᒥ ᓴᓇᕐᕈᑎᑦ ᐊᖏᖃᑎᒌᒍᑎᐅᒍᑎᕕᓂᖓᓂᒃ ᐊᑎᓕᐅᕐᑕᐅᓚᐅᕐᓯᒪᒻᒪᓂᒃ, ᐊᒻᒪᓗ ᐅᖃᐅᓯᖃᕐᓱᑎᒃ ᐱᓪᓗᒍ ᐃᓅᓯᖅ ᐊᒻᒪᓗ ᒫᓐᓇᐅᔪᖅ ᖃᓄᐃᓕᖓᓂᖓ ᓄᓇᕕᒻᒥ ᓄᓇᓕᖏᓐᓂ. ᓄᓇᕕᐅᑉ ᐸᕐᓇᓯᒪᐅᑎᖓ ᓄᐃᑦᓯᓯᒪᒻᒥᔪᖅ ᓯᕗᓂᖓᒍᑦ ᒪᓕᑦᑕᐅᓴᐅᑎᒋᒋᐊᓕᓐᓂᒃ ᓴᐳᒻᒥᓂᑦᑎᓄᑦ ᐃᓕᖓᔪᓄᑦ ᐱᕙᓪᓕᐊᓂᖓᓄᑦ ᑕᕐᕋᐅᑉ. ᐊᕐᕌᒍᐃᑦ ᓯᑕᒪᑦ ᓈᑎᓪᓗᒋᑦ, ᑕᒃᑯᐊ ᐱᑕᖃᑦᓴᐅᑎᒋᒋᐊᓖᑦ ᒪᓕᑦᑕᐅᔪᑦᓴᐅᓗᑎᒃ ᓱᓕ ᐊᑑᑎᔭᐅᓯᒪᕋᑕᖕᖏᑐᑦ.