رمضان كريم ........ ( 4 )
ــــــــــــــــــــــــــ
يا مدفع الافطار
يا ساكن القلعه
مكتوب عليك السكوت
طول ما الشموس طالعه
يكفيك جمال الطبيعه
والتاريخ حواليك
جل من سوي بلادي
واحسن الصنعه
جل من سوي بلادي
اهل وسكن وبيوت
وبيوت بتحضن قلوب
فيها العمار ما يموت
وعمار يا مصر دايما
وف منتهي الروعه ......... صلاح عتريس
صلاح عتريس
رمضان كريم ....... ( 5 )
ـــــــــــــــــــــــ
يا ترى انت معزوم النهارده .؟
ولا انت شايل اليوم
ع السفره اصناف مهمه
واصناف ماليها لزوم
رمضان ماهوش للبغدده
رمضان دا شهر الصوم
رمضان دا شهر ف سنه
للعابدين مدرسه
ودروس كده تلمنا
للرحمه متأسسسه
علشان تفكرف غيرك
تديله من بعض خيرك
وقلبك يحن لطيوره
زي ما ببتراعي طيرك
ايه االحكايه يا سيدنا
ولا شوفت مسكين وسطكم
ولاشوفت يوم محروم
قدام عنيك محتاج
طول السنه مهموم
طب بالهنا والشفا ..
وباقى الكلام مفهموم ....... صلاح عتريس
صلاح عتريس
صلاح عتريس
خلقنا سواسيه
وقال حساب البشر
والرزق دا عليا
أحمد ومينا هنا
ويؤانا وصفيه
يا مسحراتي حارتنا
يا حافظ كل اسامينا
في ميعاد سحورنا
تمام تيجي تصحينا
يعجبني فيك
انك صحيح مصري
تنده محمد وآمنه
وتسلم علي مينا
كتب القدر لينا
حكايات تهنيننا
وبلهجه مصريه .......... صلاح عتريس
واللي بني مصر
كان ف الاصل
راجل كريم طيب
علشان كده يا مصر
عمر ابنك ما يتعيب
ع القلعه والاهرامات
مكتوبلنا وصيه
فيها جميل العبر
والمعني والغيه
هتعيشي دايما يا مصر
دافيه وبنيه
ومثال عظيم يتحكي
عن وحده وطنيه
تخلص صلاة العصر
يتلعلع الصايمين
تقول بعيد يا شر
صايمين لقمر الدين
احنا اتخلقنا بشر
مش اخوه للشياطين
تيجي سوا نفتكر
بعد ان المبذرين
صلاح عتريس
رمضان كريم ....... ( 6 )
بانت بشاير الشهر
مرحب كريم الزين
فرشو الشوارع تمر
وعين جمل مع تين
ولوز وفسدق وجوز
وحاجات شماااال ويمين
شكل الشوارع بديع
موسم كأنه ربيع
وتفوح روايح جميله
ياميش مع البهارات
اجمل من الياسمين
تملي الصدور نشوه
وتزغلل كمان العين
